45歲嘅陳豪2011年被影到喺陳茵媺香閨過夜，戀情即曝光，佢哋拍拖嗰陣都有暗湧，有傳當時未被「私有化」嘅陳茵媺俾當時未同翠如BB拍拖嘅蕭正楠力追。最後，陳豪同陳茵媺喺2013年於巴黎結婚。
而佢哋婚後仲做埋爸爸媽媽，喺2013年12月陳茵媺宣佈誕下大仔Aiden，之後隔咗幾個月，陳茵媺出席活動先宣佈阿仔中文名叫陳梓燁，仲有傳陳茵媺會產後復出。不過事隔9個月，陳茵媺出席活動，突然宣佈有喜，陳豪再做爸爸，而陳太嘅復出計劃就梗係要押後啦！
二仔陳浩鋒（Nathan Lucas）喺去年2月出世，而陳豪做咗兩子之父後，佢多次表示想追個女。經過陳生陳太嘅努力之下，陳茵媺又再出席活動，又再宣佈有喜，而今次陳豪終於得償所願，老婆終於陀女，今年4月又再次做爸爸，而陳豪又成功晉身「娛圈多仔公」行列。