喺呢個數碼化年代，如果收到一張手寫聖誕卡，肯肯定暖到入心！今年9月立法會選舉循傳統區議會功能組別晉身議會嘅民建聯劉國勳，近日向區議員及傳媒友好廣發聖誕卡，呢張賀卡特別之處，係有佢嘅卡通嘜頭，hardsell自己個樣呃like！
劉國勳話聖誕卡係自家設計，印咗500張，佢坦言中學後已經好少寫卡嘞，今次再度執筆，係想答謝各界支持。
其實政商界中人近年都幾鍾意用自己嘜頭做賀卡，好似全港各區工商聯會會長李鋈麟今年嘅聖誕卡，繼中秋節賀卡後再度同細佬李鋈發打孖上，一齊變身聖誕老人，同好友講句Merry Christmas。