有「天下第一關」之稱的鄭紹康，在公關界打滾二十年，除了在賭王何鴻燊二房大女何超瓊（Pansy）創立的「天機公關」擔任高職，早年還自立門戶開設「Number One PR」，包攬公關及經理人工作，旗下藝人有徐濠縈及游學修等人。
不過，這個雙重身份只維持至昨日，事關天機昨日已發聲明，宣佈與鄭紹康結束合作關係。與此同時，鄭紹康亦發聲明「這個是合適的決定」，公佈自己已辭去任職十五年的天機職務。
「有好多投訴」
昨日本報早於兩份聲明發出前，率先報道鄭紹康將會離職，知情人向本報爆料，指鄭紹康今次「被辭職」，最大原因是Pansy有感天機業務受某些原因影響，並已達不能容忍的程度。知情人透露說：「鄭生喺天機做咗咁多年，Pansy一直都放晒手畀佢做，亦都從來唔會過問公司嘅嘢，當初有人話自己開公司，只係會接天機接唔晒嘅job，Pansy諗住成年人有分寸冇阻止，後來先發覺有問題，好似好多客人都會混淆兩間公司，又有好多投訴，Pansy為咗盡心為公司嘅同事利益，終決定要『做嘢』。」
鄭詩韻揸旗
據知，Pansy上周公佈天機與榮文蔚的表妹鄭詩韻（Michelle）掌舵的Mazarine合併，並安排她出任公司CEO一職，自己則退下火線，便是為了部署「清理門戶」，惟Pansy亦希望好來好去，講明有人願意自動消失便是最好的安排。本報昨日在天機發聲明前曾聯絡Pansy，她只禮貌回覆說：「我已經退咗落嚟喇！天機運作我唔過問喇，人事嘅嘢你哋問番鄭小姐啦！」不過，Michelle及鄭紹康在聲明發出後，均表示沒有其他補充。
採訪：小米、唐如