【圍堵校委案】
【本報訊】港大學生今年1月在沙宣道校園圍堵校委會成員，時任學生會會長馮敬恩涉恐嚇校委會主席李國章，案件昨在東區法院續審。港大保安經理形容馮歇斯底里地高叫要「隊冧」李，曾任警員23年、做過三合會專家的他雖然習慣聽粗話，仍不免感到不安。他指馮平時為人友善，但案發當晚「梗係一個壞嘅學生」。
辯方資深大律師李柱銘盤問保安經理張憲君，他安排人鏈護送校委行出大樓時，有否預計示威者上前圍堵。張稱他估計大部份示威者是學生，「諗住學生好乖……Hong Kong U（港大）嘅學生大部份都好乖」，以為學生會聽話讓路，但結果完全相反。他知道學生曾在校委會會議生事，「今次預咗會有麻煩，但冇諗住咁麻煩」。
稱「隊冧佢」是三合會用語
談及馮是否「曳」學生，張自言與馮不相熟故不能評論，「呢件事嚟講，佢梗係一個壞嘅學生」，但馮也有好的一面，平時「好nice」地打招呼，又會向他說說粗口。雖然馮在他英文名Mike後加上粗口數字作暱稱，但張稱不介意，總括而言對馮印象普通，「唔會特別憎」。張自稱政治中立，亦不偏袒校委，無論學生好壞都會協助。
張稱目擊馮大叫：「唔好畀佢走！唔好畀李國章走！隊冧佢！隊冧佢！」他形容馮歇斯底里，「佢好似癲咗，好大力叫出嚟，好似成個人失咗控咁嗌出嚟」，令他不安。張透露他曾效力警隊23年，曾是警隊三合會專家，知道「隊冧佢」是三合會用語，意思是要置人於死地，但示威者是否真想「隊冧」李便不得而知，他沒見到人攻擊李。辯方指張當差多年應對粗話習以為常，張表示同意，但後來說他仍會害怕。
張解釋他之所以嘗試護送校委離開大樓，是因為示威者越來越激動，有人加劇撞門，故留在大樓內亦有危險。辯方質疑他可等警方協助，任何有常識的人都不應「博一博」離開大樓，張承認有少許冒險性，但要試過才知成敗，校委亦同意做法，他覺得沒做錯。辯方質疑李沒受傷是好運，張指「亦可以話我有能力（保護李）」。他被人推及圍堵後周身骨痛，腳趾亦有痛楚，醫生給他5天病假。辯方又指示威者沒意圖傷害李，張承認看不到有人毆打李，也看不到馮意圖這樣做。聆訊今續。
案件編號：ESCC2357、ESS27186/16
■記者勞東來