今個禮拜四（22日）舉行今年最後一次谷草夜戰，採用C加3跑道作賽，天文台預測或有幾陣雨，但依然估計場地掛牌為好地。
睇番最近11月23日同一移欄賽事場地偏慢，所以當晚後上馬不落下風，如吳定強的「聖驛善」、沈集成的「超強快駒」、徐雨石的「勁嘉輝」及賀賢的「順勢寶」均從中後叠追上衝贏對手，其中「聖驛善」及「順勢寶」更是走外叠蝕位都照贏，故此憑後勁食糊馬不宜輕視。
今戰列陣馬中，配上騎師雷神莫雷拉角逐第五場四班1650米的「超強快駒」，三次出戰谷C加3欄獲兩冠一亞，反而於其他移欄出戰從未入Q，上仗贏完刻意等番同一移欄再跑，有心求添食。
另外，騎師莫雷拉再配三場四班1200米的「越跑越好」，曾跑谷草C加3欄一次即勝，亦係全場唯一贏過此移欄之參戰馬，憑較佳場地性能可坐位望贏。