愛情呢樣玩意，係講feel嘅，有時真係唔需要理由。愛情來的時候，就算係爺孫戀，都唔使理旁人眼光啦！
好似「四哥」謝賢咁，80歲依然有心有力，同細佢49年嘅女友CoCo拍拖11年，真係好長情。日前仲有內地傳媒指四哥再做老竇，不過就俾四哥好霸氣否認。
至於最多波折嘅，一定係台灣情侶李坤城同林靖恩，兩人分別係60歲同20歲，相差40年！呢對情侶交往3年，期間遇到好多難關，好似林爸爸鬧過李坤城係「有目的接近女兒」，不過林靖恩就暗寸爸爸其實係「國王」，只係識隔空叫囂；更有傳媒多次指林靖恩有喜，令佢情緒低落，甚至有殉情呢個諗法，最後都係李坤城勸掂打消念頭。
香港仲有對傳咗耐嘅爺孫戀，就係何傲兒同林建名。今年9月佢哋正式上契，林建名當時就送咗套金飯碗俾契女。