在極高戒備紅色陰霾警報下的京城某豪宅，疑似阿蛾與某男子促膝夜談。
「你怎能失掉戒心，太早露出對特首個位有feel，等於劏開自己任睇，第一步已經輸馬鼻。」阿蛾戚眉瞪了男子一眼不服氣說：「先着先機，不能輸氣勢。阿爺有用得着我的地方，問當今司局長中，誰夠我硬？強硬執行阿爺路線，使命必達，捨我其誰。」男子不同意：「你被對方呃咗都唔知！跟那些師奶闊太被電騙失掉九百萬一樣咁蠢！所謂緊密夥伴，根本是擲蕉皮你踩。睇住啦，明年二月對方就會反口說出選，到時點容得下有異心的朴槿惠在身邊。你打定輸數飛來北京日日戴住口罩煮飯吧。」阿蛾嬲爆嬌嗔：「董爺實撐我，絕對無過份解讀，隻孽虎想食我隻車，叫佢去死！」男子歎氣：「你的勁敵，那位大叔攬晒泛民325票，一票都唔會過俾你，咁第日點管治，唔通下下DQ佢地！」阿蛾高八度回應：「泛民議席不保失晒否決權，我當佢地無到！學章少講，睇佢地唔起！」男子沉默：「咁你好自為之，注意身邊的小鮮肉，73歲以下的大媽，都是他們詐騙的頭號獵物啊。」