唔講唔知，香港申訴專員公署嘅前身行政事務申訴專員公署喺1989年成立，但自從《申訴專員（修訂）條例》喺15年前噚日、即係2001年12月19日生效後，公署正式脫離政府機制，擔當監察政府嘅角色，包括確保防止濫用職權，喺公職人員受到不公平指摘時指出真相等。
而噚日申訴專員公署開記者會公佈兩個調查報告後，申訴專員劉燕卿（Connie）就請一眾記者留步，一班公署嘅職員隨即推住個蛋糕出嚟，大大個蛋糕上面插咗「15」造型嘅蠟燭，慶祝獨立15周年。
Connie仲話，之前同港台合作製作嘅電視節目《申訴》大受歡迎，嚟緊會添食繼續合作，仲預告《申訴II》會喺2017年出街，叫大家到時要留意啦！