金銀業貿易場明年換莊,張德熙再度坐正!貿易場兩年一度換屆,重選理監事會,現屆做緊監事長嘅張德熙,成日代表業界發言,佢繼2010至2014年度之後,再次當選理事長,噚日點完票之後新屆高層馬上見記者,見張德熙滿場飛,肯定係最好嘅聖誕禮物喇。
至於現任嘅兩名副理事長,周大福嘅鄭錦標、六福嘅謝滿全,齊齊冧莊。新任監事長就係景福嘅羅觀耀。至於現任嘅理事長陳尚智,來屆就無再做理、監事。
金銀業貿易場平時比較低調,但171家公司會員(行員),除咗有份選自己嘅理監事之外,仲係立法會金融服務界、特首選委會嘅當然選民,如果得到呢班行員支持,勢力未必差得過股票經紀㗎。