【特首跑馬仔】
【本報訊】蓄勢去馬選特首的財政司長曾俊華，辭職一周仍未獲中央回應。他上周六在fb上載5張當晚出席喇沙書院舊生會晚宴相片，特別hashtag「beCalm」（保持冷靜）及「NeverSayDie」（永不言敗）等，似為自己打氣。工聯會榮譽會長鄭耀棠昨稱未聞曾遇「紅燈」；2008年以健康理由辭任局長的港鐵主席馬時亨則指，當時請辭後約一個月才獲免職，認為程序無既定準則。
記者：陳雪玲
連日來大批記者在曾俊華官邸門外守候，追蹤最新動向。曾的家傭昨午拿着兩壺熱騰騰咖啡奶茶，以及俗稱「馬仔」的沙琪瑪步出官邸慰勞傳媒朋友，並指「老闆話呢幾日辛苦晒你哋」。曾俊華昨一直沒外出，其兒子曾雕龍及孫兒昨午則到達官邸。
藉飛髮賣本土情懷
而曾俊華在周六晚於facebook專頁上載5張出席「母校」喇沙書院舊生會晚宴相片，相片可見他與校友自拍及聊天，更hashtag了一系列母校運動會的打氣口號，如「beCalm」（保持冷靜）、「doYourBest」（全力以赴），以及喇沙口號「NeverSayDie」（永不言敗），似為被指未獲中央開綠燈打氣。而相中與曾談笑風生的包括前立法局議員及首位華人市政局主席張有興。曾俊華發文表示，很開心見到多名喇沙校友，特別是遇到張有興，形容對方是傑出校友，亦是他的大師兄。喇沙最為學生及舊生傳頌的口號是「Be calm and do your best, that's all La Salle requests」！
曾俊華昨亦在fb上載文章，大賣本土情懷，指九十年代起至今幫襯同一家理髮店，為他理髮的師傅在店內工作40多年，師傅由內地來港，從學徒做起，即使時代轉變，依然憑專業態度等留住熟客，沒被時代淘汰。他又指理髮時在手機下載了Instagram，學習以新的社交平台與年輕一代溝通。
他特別提到朋友常問他「鬍鬚」是否也由理髮師照顧？曾指所有「鬍鬚佬」都知道，整理鬍子很麻煩，但習慣了就成為一種享受，故對整理鬍鬚至今不假外求。
曾俊華上周一辭職至今，中央仍未有回覆，引起各方揣測。曾任商經局局長的港鐵主席馬時亨昨於一公開場合以自己為例，稱中央何時批准免職沒準則，「例如當時（政務司司長）唐英年辭職用咗兩天，但喺我嘅情況則有一個月。我仲記得當時係6月中向曾特首辭職，但要到7月11日先批出嚟（免去職務），所以冇準則嘅」。
身兼港區全國人大代表及工聯會榮譽會長的行會成員鄭耀棠亦指，中央批准問責官員辭職無時間限制，指近期中央有很多重要會議，故至今未批出曾俊華辭職，不表示甚麼。問及兩名考慮參選的司長，鄭說政務司司長林鄭月娥是資深政務官，對政府運作瞭如指掌；至於曾俊華，他說：「財爺大家都知，工作咗咁長時間，掌握財政大權相當重要，如何分配資源集於一身。外間有人批評佢係唔係『守財奴』，大家自己評論，但無論如何佢係相當資深嘅政務官。」
工聯會手握約60張選委票，鄭耀棠昨強調工聯會暫未有傾向支持誰人出任下屆特首，又稱可能尚有人宣佈參選特首，明言「𠵱家講提名邊個都係儍嘅」。
識睇睇留言
Yick Shing Chan：
財爺應學下胡官亮出自己政綱，表明自己治港立場與抱負，讓中央核心放心為懷……
Stephen Tsang：
未係時候，𠵱家be calm最好，得閒就落區行下，同街坊互動下，反正中央如果唔批准佢辭職，就等於係搞變相欽點……
李密林：命裏有時終須有，命裏無時莫强求！平常心。
Anders Kwok：千斤重擔頭上壓，but you are not alone.
Natilea Ferry：冇官一身輕，享受吓餘下的時間好過啦！
Caca Chan：
佢係向D（啲）財團、地產商講，富商才最緊張，摩（磨）拳擦掌迎接曾蔭權政商拍膊頭時代重臨。
資料來源：《蘋果》資料室