型佬方中信已屆53歲，近年主力返內地發展，月前就曾為無綫拍《律政強人》做大律師張強，依然型爆。雖然方中信努力搵錢，但絕不忽略家庭，對8歲囡囡迦晴更如前世小情人般錫到燶。前日本報讀者黃先生透過爆相爆片，直擊方中信一家三口到迪士尼樂園，同行還有洪天明與周家蔚帶同兩名囝囝。
話Iron Man肥
身穿黑色外套的方中信，戴上cap帽，與太太莫可欣及迦晴現身下月才正式啟用的Iron Man區，雖然他打扮低調，但有不少途人認得他。黃先生透露當時方中信表現有點cool，全程笑容不太多，他說：「見到佢哋係有個紅牌掛喺身，應該係包咗去Iron Man個場（鐵甲奇俠飛行之旅）試玩。見到洪天明抱住個小朋友同白兵影相，之後想叫埋方中信一齊影，方中信行緊過去時，有人截停想同佢影相，但方中信耍手婉拒咗，之後就索性唔同白兵影，行返去Iron Man嗰邊方向。」
方中信全程陪住囡囡，而她好乖，見人太多，她都蹺住方中信站在隔籬。記者致電方中信，他表示：「我係同個女一齊去玩，感覺都可以喇，不過Iron man好似肥咗啲！」他表示會一家人去北海道過白色聖誕。 而莫可欣亦以短訊回覆，笑言方中信是米飯班主，當然是100分爸爸。
採訪：嵐山