昨晚係無綫台慶頒獎禮,先係行紅地毯入場,爭妍鬥麗一番。喜奪視帝視后嘅陳展鵬胡定欣以壓軸姿態登場,而曾傳於台慶當晚糖黐豆又selfie令岑杏賢唔開心,翌日更宣佈分手嘅袁偉豪王君馨就一齊出場。 胡定欣得獎呼聲高唱入雲,昨晚件戰衣都博到盡,中門大開,非常性感。定欣話:「佢哋話上年咁密實,好似好耐都冇試過性感,所以咪幫我設計呢套衫。我自己都想俾觀眾一啲特別感覺,好難得連續兩年都有好角色去提名。」