做教師猶如手執鐵飯碗，曾在名校瑪利曼中學任教科學的黃文輝是教育碩士、考獲八級小提琴，10年前毅然放下教鞭，離開安穩厚職到上海、英國苦讀5年提琴復修冷門課程，為生計在中餐館「洗大餅」咬緊牙關，「提琴醫生」終在黃光燈下為提琴療傷，為自己圓夢。
「你做乜讀咁多書走去鬭木？」每次要向別人解釋職業，36歲的黃文輝少不免會遇上這些解釋不了的問題。出身小康的他畢業於聖保羅書院，在港大讀生物、擁有教育文憑和教育碩士，進入瑪利曼中學做教師兩年，原本離安逸、穩定之路不遠，他卻選擇離職追夢：「遞辭職信嗰日，校方都驚訝。」
「回望條路非常滿足」
「拉一把自己做嘅琴，係我最原始嘅夢想。」黃文輝明白學造琴、學修復提琴須由零開始，身邊人問他為甚麼要向安逸說再見？「因為對我嚟講，錢唔係最重要，如果30歲之前有個夢想你又唔完成，一路坐落去，就會離唔開呢個教席」。他形容自己「笨豬跳」，跳入一個未知數。
自言膽粗粗，結果他獲上海音樂學院取錄，讀提琴製作課程，一讀兩年，開始時學磨刀，一磨即見血，天氣凍、傷口久未癒合最難受；然後他赴英到國際知名的提琴學校Newark School of Violin Making多讀3年，並到中餐館洗碗維生，難過時會問自己：「話晒香港大學碩士畢業，做乜我會喺度洗大餅？」
5年苦讀，他遇上音樂界老前輩，對方建議他開工作室替人復修提琴，令他未做提琴醫生前先要學做生意，賬目既真實且嚇人：「試過扣晒租金之後，收入得4位數字、甚至3位數字。」
經前輩介紹提琴教師、學生，實現夢想甘苦夾雜，「回望呢條路係非常滿足，發現原來呢個世界好大，我發夢都冇諗過會遇到嘅人、事，又會遇到好出名嘅音樂家、提琴家，製琴科學家，甚至係拍賣行、博物館」。依他所知，在香港從事提琴復修只有約6人。
提琴復修，費用由100元至無上限，有時還高於買新琴，黃文輝指，提琴復修可保養客人心愛的、具歷史價值、由名家製造、或著名音樂家家演奏過的提琴，這與扔舊買新無關：「我會當提琴係一件藝術品，正如畢加索嘅畫，你唔會因為佢再冇觀賞價值而掉咗佢。」
■記者姚國雄