【ViuTV美選】免費電視ViuTV真人騷《美選D.n.A決賽》昨晚假邵氏片廠舉行，8位最後入圍Ladies會爭奪《The Queen of D.n.A》寶座。三位司儀方力申、郭偉亮（Eric Kwok）和火火最先出場，火火說：「有人話我哋用半年時間做一個美選節目好戇居，慘得過我哋要用半年先睇到佢哋啲特質。」火火在節目中段疑似講粗口：「大家都知我講嘢係咁『X』（差）㗎啦。」
唔係波大冇腦
天使組先出場，當中以「巨胸翠如」18號鄧月平的花仙子look最爆，戴住頸鏈都難掩其4吋事業線，她說：「我唔止係F，仲係Q，Q for Queen。」鄧月平更為自己好身材平反，她說：「大家覺得我係波大冇腦冇內涵，我童年有啲不愉快經歷，所以講嘢要三思，做事亦唔敢做到最好，呢半年時間後，我唔再介意人講我身材，智慧要時間累積。」
之後輪到魔鬼組出場，同樣是大熱的15號馬倩宜（Happy）穿着三點色騷健美身形。5號張沛樂在表演環節中表演魔術，最後竟然變出男友林耀聲，之後還在鏡頭前咀嘴晒恩愛。而表演空中舞的11號羅伊婷落地時，火火說：「慢慢落，我哋𠵱間電視台唔需要粉身碎骨，淨係奮不顧身得嘞。」
手掌手背係肉
比賽前，主席評判譚詠麟（阿倫）笑言會戴有色眼鏡睇女仔，他說：「係呀，攞正牌睇女仔，所以今晚唔除（太陽眼鏡），我係明星嚟嘛。」對於美選決賽撞正無綫台慶頒獎禮，他說：「唔好意思，手掌係肉，手背又係肉，我都覺得奇怪嘞，點解千方百計搵我嚟。」
另外，劉美君、田北俊、雷頌德、周汶錡和丁子高亦擔任評判，陀住6個月BB的周汶錡，自言亦有天使和魔鬼一面。而首次做選美評判的劉美君笑謂：「ViuTV冇酬勞㗎，不過有創意，我覺得個節目幾有趣。」她坦言對15號馬倩宜最有印象。
採訪：黃曉妍
攝影：仇志德、陳俊強