【先達收風】 LG藍牙耳機玩聖誕禮物價 劈價一半

【先達收風】 LG藍牙耳機玩聖誕禮物價 劈價一半

聖誕節就快到,新手機的推出周期都會逐漸放緩,所以香港好多商舖都好鍾意在呢個時段做特價優惠,當中不得不提當然係LG呢款HBS-900。

老實講!講潮佢都真係型仔過,不過近排藍牙耳機因iPhone 7放棄3.5mm耳筒插位,及AirPods的推出,的確令佢人氣度下降;不過論實用性,的確亦有佢獨到之處,長期掛在頸上,要聽歌聽話時,唔使摷袋、掹條耳機線出嚟就馬上做到,音效表現亦不俗,有Harman Kardon Signature Sound、對應aptX,而且機身內置220mAh 鋰聚合物池,每次叉電兩個鐘,就可以做到手機通話17小時或聽歌14小時;現時一般街價做緊$800左右,三禾最近做聖誕優惠,$400就買得到了,據知全部屬韓國入口水貨,機身以銀色為主。

查詢:三禾電氣(旺角先達廣場1樓F33)

記者、攝影:朱崇德