周日世冠盃季軍戰，由兩支美洲球隊對壘，哥倫比亞嘅國民體育會（圖）對墨西哥嘅CF阿美利加。國民會喺四強意外輸畀鹿角，到季軍戰終於識入波，喺26分鐘已領先2:0，但CF阿美利加之後連入兩球扳平，法定時間踢成2:2平手，即刻進入互射12碼，國民會以4:3贏波得第三。國民會之前係自願放棄南球盃，成全遇上空難慘劇嘅對手查比高恩斯封王。