羅斯保喺贏得世界冠軍後宣佈退役，平治要搵車手頂替已經夠頭痕，咸姆頓近日又突然發難，話車隊唔尊重自己：「今季多次出現令我難受嘅情況，尤其煞科戰後車隊不斷話我唔聽指令，仲想罰我，我覺得車隊某啲人唔尊重我。」英國《每日郵報》話「黑帝」早前喺國際汽聯周年晚宴同平治主席禾夫面左左，唔知佢係咪趁機向車隊施壓，令自己下季話事權大啲？