皇馬王牌C朗（左圖）呢個星期備戰世冠盃之餘，亦忙裏偷閒上載段片去ig，佢喺四個雪人人牆前面射罰球，個波成功彎入龍門標靶上，個靶仲有NBA公牛球星獲迪個樣（右圖）。獲迪都放片回應，將籃球禮物射入籃，話係送返畀C朗嘅特別禮物。C朗同獲迪有乜關係？兩段片都有網上啤牌遊戲公司個標誌，佢哋臨尾仲講埋同一口號，你懂的。