鬍鬚曾向中央請辭，遲遲未批，梁營中人迅速放箭，指衝燈者死。另一邊廂聲稱官到無求退休在即的林鄭，就準備上京面聖，表白去馬心迹。至於葉劉，唔Campaign由自可，一出閘就脫腳，皆因得罪人多，此人格局太小，要威逞強，相信冇機會。如果建制出兩人，應該會係林鄭對鬍鬚，好多人以為是但一個勝出都OK，咁就大鑊啦！因為林鄭今非昔比，因為她已進化成老董及689路線的繼承人。
坦白講，在政改、反港獨問題上，凡涉一國者權力收歸中央，邊個做特首都冇得再玩鋪勁，只能夠玩手指。8.31框架硂一國兩制白皮書乃不可撼動，林鄭鬍鬚二人之差別，在於特區內部管治手法及核心施政綱領。對於曾蔭權硂唐英年硂曾俊華，凡曾出任過財政司者，均被批評為Hea做，而老左背後支持，由老董硂689到林鄭或葉劉，總會擺出一副訪貧問苦，24/7返工硂身水身汗，大搞建屋運動硂工業政策及科技躍進。
好多香港人以為係個人作風問題，唔明白這是特區兩條發展路線之爭，貫穿1996至2016，由老董硂689到林鄭，是一條干預主義、大有為政府的計劃經濟路線。老董任內最上心是科技產業，搵田長霖等人大搞國際顧問團，妄想發展科技製造業，先有科技包裝數碼港地產項目，再有邀請漢鼎來港做圓晶生產，甚至準備給予土地硂稅務及輸入外勞等優惠，結果這些益自己友的政策，給當時出任工商局長之曾俊華一手終止。曾蔭權年代唔再搞科技產業大躍進，結果畀老左們批評Hea做硂冇Vision。
數碼港今變偷情勝地
內地計劃經濟，共產黨指導下，要發展乜嘢產業，就可以有乜嘢公司出現，這叫官督商辦。香港奉行市場經濟多年，政府官僚根本冇能力硂機制介入工業發展，指導企業投資方向。以科學園為例，租用之所謂科技公司，大家睇睇有幾多係做研發硂生產，有幾多只係用來傾生意的showroom。近年本地最大科技業是為女士打Botox，於是這些公司掛着美容科技招牌進駐科學園，試問納稅人血汗錢是否應該用來資助美容科技產業呢？老董年代搞的九龍塘innocenter，大家去門口睇睇水牌，究竟是否在協助start up，數碼港今日變成偷情勝地，因為無人去所以最適合同小三去酒店短敍。仲有林鄭當年主催的活化古蹟，這些本來屬於公眾的地方，有幾多被香港富二代餐飲業集團所佔據？
每逢聽到政客大吹大擂政府如何有所作為，搞工業硂文化硂創新硂研發，就知道一班利益集團拿納稅人金錢去開飯。港英「餘孽」唔多buy計劃經濟呢一套，所以就被攻擊為Hea做。香港人要想清楚，冇真正普選、行政機關冇真正問責性，由政府帶頭搞科技硂工業硂文化產業，最後只會變成官商勾結利益集團，南韓硂印尼硂泰國在亞洲金融風暴後全面暴露出產業政策勾結真面目。689想搞港版淡馬錫，將納稅人金錢在內地進行策略性投資，澳門已先行一步，財政儲備投資在廣東，結果又係比鬍鬚曾一手終結，恨得背後支持689奪權之利益集團牙癢癢。平情而論，內地貪腐嚴重，連港大投資的深圳醫院都變無底洞，香港人係咪真心想行此老董死路。
林鄭背後集結了梁粉硂紅色群眾硂老董大躍進思維，湊合而成「奶粉」，以延續689施政，究竟「奶粉」有冇毒，香港人要諗清楚。
添馬男