「跳水女王」吳敏霞宣佈退役後唔使訓練，上周六就去到北京五顆松體育館，為北京昆侖鴻星對葉卡捷琳堡汽車人嘅KHL冰球聯賽擔任開球嘉賓。鴻星隊為咗向呢位奧運五金名將致敬，特別整咗件印上五號嘅紅色波衫；不過，身高1米67嘅吳敏霞可能太細粒，顯得件波衫超大件。吳敏霞都真係帶到好運畀鴻星隊，佢哋打到加時以4:3險勝汽車人隊，攞到三連勝。