早排一排東京落雪慢鏡片網上爆紅,先知原來慢鏡下落雪景像咁浪漫,仲要隨手用iPhone就拍得到,你話而家fb、ig呃like仲有乜難度。
出發去北海道之前,上網睇睇仲有乜拍片方法好玩過癮,點知發現外國興玩一種叫CentriPro的拍法,原理是利用iPhone或GoPro能夠以每秒120格或240格拍片的功能,放到裝置上圍繞自己360°咁揈,做到環迴自拍的效果,然後以慢鏡方式播放出來,捕捉百分一秒間的動態影像。網上還有達人教路,利用屋企衣架,以螺絲裝上一片令衣架穩定旋轉的「定風翼」,再加上魚絲,就可製成裝上GoPro的CentriPro裝置,過程並不算難,我們便試造了一個,訩到北海道雪地上試玩。
記者:曾冠輝
攝影:梁志永