這天快活谷舉行試閘，雖然氣溫下降，但無損馬主們的熱情，有不少馬主現身觀看愛駒試閘。
其中「劍斷浪」馬主許坤華和新婚不久的太太葉思貝一早冒寒到場拍拖兼睇馬，結果「劍斷浪」十分生性，在第二組1200米草閘，配雷神莫雷拉沿途守好位下，末段力壓對手勝出。
「劍斷浪」今季兩戰沙田1400米得一亞一殿未能建功，表現遜於預期。既然此馬上季曾在谷草取勝，今日亦特登安排試谷閘，是否意味此馬將會再次渡江作賽？
許坤華說：「應該未必喇，我請教過蔡約翰，練者解釋為怕『劍斷浪』這段時間沒有出賽，會變成肥仔，所以特意安排牠試谷閘保持狀態。」「劍斷浪」上季三捷，今季進度暫看似徘徊不前，馬主可有擔心？許坤華幽默地說：「我都有向雷神講過自己的疑慮，是否『劍斷浪』今季欠進步，狀態操唔起呢？雷神安慰我，他說如果『劍斷浪』季初就爆弗，你才要真正擔心呢！」