孫慧雪將於下周五跟未婚夫羅天彥在愉景灣舉行婚宴，近日趁婚前密密賺錢，昨現身信德中心出席活動，她笑說：「男友講明婚後我都要繼續做嘢，佢養唔起我。」對於傳懷孕雙喜臨門，着鬆身裙的她否認遮掩：「不嬲都有肚腩仔，有壓力就水腫。」她表示姊妹團方面有好友蔡思貝，對於好友傳跟麥秋成分手，她說：「唔知佢甩拖，我搞座位表好似做埋媒人，驚到時好多男仔要求同思貝坐。」
另外，雪雪前晚到數碼港出席電影宣傳，她透露在戲中扮演AV女優波多野雪雪，同場的姜麗文呻三年沒拍拖，每次遇到合眼緣男士，對方會說：「嘩！唔係嘛，你係洪爺（父親秦沛在電影《賭聖》的角色）個女，點夠膽追你呀！」她嘆謂：「原來爸爸洪爺嘅稱呼都對我有啲障礙，其實爸爸好nice，大家唔好誤會。」
採訪：卓寶花
攝影：葉君海