【本報訊】對於警方突然放寬車速寬減，不少搵食車司機及車主均表示歡迎，但由於駕駛者所犯的違例事項，累積扣滿15分，隨時要被罰停牌，手停口停，故大部份司機希望「減幾多得幾多」。但有司機則笑言：「唔俾人捉到就得啦！」
商會籲業界自律
港九新界公共專綫小型巴士聯合總商會會長梁雄認為，警方今次放寬措施開明，「現時（扣分制下）15分好易扣晒，一旦停牌就失業」。故新措施對業界是好事，但他同時呼籲業界自律，切勿因此放肆而超速。
有52年駕駛經驗的小巴司機黎先生說：「每1公里都好緊要！最好就減多啲啦，因為（舊罰則）超速過咗16公里，就扣3分，對職業司機嚟講，分分都好緊要。」的士司機林生則認為作用不大：「其實中咗先知超速幾多，（放寬後）唔使扣分係好彩。」小巴司機陳先生表示：「大多數時間超速1、2公里，放唔放寬冇乜影響，至少超速3公里以上先會有少少用。」私家車司機陳小姐則擔心，警方寬減幅度增加，是否反映偵速儀器的準確度不足，造成更大爭議。
■記者林熊