AC米蘭（白衫）禮拜一聯賽輸波之餘，中資財團嘅收購計劃都有機告吹。AC喺周一意甲作客羅馬。62分鐘，羅馬靠尼恩高蘭遠射以1:0擊敗AC。另外，中資財團中歐體育諗住收購AC，但一拖再拖。據聞雙方同意交易延期到下年三月，但班主貝盧斯科尼要求喺周一畀一億歐元保證金先，不過外媒指呢筆錢仲未過戶，話唔定呢單交易告吹喎。