萬眾期待的深港通，終於在上周成功開通，惟無論是北上或南下，情況都不如預期般熾熱。原以為表現勢將超過滬港通，想不到迄今仍未出現熱爆情況（倒發生了北水喪沽滙控奇景）。深港通表現遜預期，是因內地「無水」？因為打擊走資？還是真的一如某本地報章所言，中資行「受命」要冷待深港通？
有基金經理跟密西比說，根本不用想得這樣複雜，原因只是一個字，就是「錢」字。他說：「滬港通開咗咁耐，你有冇聽過有人話自己係A股股神？有冇聽過有人買A股賺咗好多？（反而有單大陸炒家JR證監會）係咪無聽過呀，我都無聽過，咁你自己話，有冇香港投資者會對A股有好大興趣先？」
他續說：「滬港通剛開通，直到內地A股喪升嗰段時間，我係有聽過有人買A股賺到好多人仔㗎，但係人仔不停咁貶值，舊年5%，今年又6%，計埋使費前前後後無咗成10個巴仙，再加埋個大跌市，都只係微賺咋，得個吉，喺香港炒劏房好過啦！仲去用深港通買啲市盈率過百倍嘅A股？」
題外話，滬港通跟深港通先後順利開通，但結果不似預期，會否有人要「功成身退」？
密西比