特首選舉委員會選舉塵埃落定，有民主派中人指北京似對民主派大勝這個選舉結果有心理準備，但仍開出「下屆特首要有最少700票」這個硬任務，現時最令北京「頭痕」的是，究竟哪個獲北京認可的建制人選可以達到這個目標？更矛盾的是，若要下屆特首有700張以上選委票支持，就不可能完全放棄爭取民主派的300多張選委票。
該民主派中人引述內地一些收風人說，北京對特首梁振英連任判「死刑」，除了認為梁無法取得601票選委支持，「北京亦唔想夾硬㩒掣挺梁，最後連上屆689票都冇，咁係對習核心嚟講相當不利」，所以北京可以換梁、而下屆特首選委得票就一定要多過689票，「如果新特首連689票都冇，咁就死得」。他稱內地收風人甚至指北京下達要求，新特首最少要有700票以上，但要達到目標有很大難度。
需溫和民主派支持
另一政界中人分析，扣除民主派約333張選委票，建制選委約有861票，若單靠建制選委取700票，「即係要有八成以上建制選委支持」，他直言不論林鄭月娥、曾俊華、葉劉淑儀均難以做到，「商界未必肯支持林鄭、左派又唔撐曾俊華，葉劉更加唔使講」，有建制中人更對他說，就算北京全力㩒掣，「頂多可以㩒到500幾票，唔爭取一啲溫和民主派支持，好難達標」。
而民主派在選委大勝，北京強硬派若再打嚴防民主派成造王者這隻牌，「邊個搵民主派支持，隨時閘都入唔到」，故若不找民主派支持，未必達到700票目標；爭取民主派支持，又可能「出局」，一眾建制參選人，如何拆解這矛盾局面？
周一、三、五刊出
季陶