如果世界上有「媽媽的味道」，都應該係「童年的味道」，而呢種味道對於好多人嚟講，可能係童星點心麵嗰種味道，但有個消息會令唔少童星點心麵嘅粉絲傷心，因為包裝封面嘅代言公仔將於今年引退，呢對一身唐裝嘅童星（圖）、即係男仔「ベイちゃん」（10歲）同女仔「ビーちゃん」（8歲），1988年開始亮相，仲隨時代轉換裝束，但年紀永遠唔變。
官網同官方fb都話時間飛逝，兩位童星代言就快30年，呢個消息確係令人聽到有啲「莫名的寂寞」，但官方強調會繼續生產；至於新一代代言人就有待公佈。
而1959年面世嘅童星點心麵，自稱為環保食物，因為最初係唔想浪費，由製作即食麵時產生嘅麵碎製成，本來只有雞味，後來有炒麵味，之後乜味都有咁滯，係唔少人嘅集體回憶。