近日表明「積極考慮」選特首的財政司司長曾俊華，向特首梁振英請辭後，數日內宣佈會否參選。事隔一天，梁振英首度開腔回應，認為對方辭職相當大影響政府工作，但否認二人不和，直言「冇啲咁的事」，但略帶口窒道：「如果……如果不和嘅話呢，er……er……司長唔會喺政府裡面留4年嘅時間，係咪呀？」就轉身離開。
梁振英主持他宣佈不連任特首後首個行政會議，此前他因出席南京大屠殺紀念活動，較平日遲近15分鐘才現身特首辦。梁特見記者時，沒有任何開場白。被問到會否支持曾俊華辭職參選特首，以及若政務司司長林鄭月娥也辭職參選，會否影響政府運作時，梁起初僅針對曾俊華回應，指政府今個月忙於籌備《施政報告》，下月則要籌備《財政預算案》；雖然《施政報告》的基本內容已有，但財政配備以至《財政預算案》的準備工作，只是剛開始，兩者緊密相關，故政府這段時間「特別忙」，但財爺此時請辭，「實事求事講，係對（政府）工作有影響」。
自梁振英日前以照顧家庭為由，宣佈不競逐連任後，林鄭月娥改口稱「不得不重新考慮」選特首，梁振英亦連消帶打地回應，稱「唔好講話兩位司長辭職嗄」，強調單是財爺此時請辭，「對（政府）工作造成相當大程度嘅影響」。
被問到政府會否變成「跛腳鴨」，梁振英指，一直以來其政府施政理念較強，根據理念推動政策，亦非短期工作，但當談到自己日前放棄連任時，突然口窒：「但係呢……er……今……年嘅《施政報告》，同埋《財政預……預算案》，係同往年完全一樣嘅」，指當中有短期措施，亦有中長期為香港做的長期規劃，稱市民可看到過去4份《施政報告》和《財政預預算案》，「喺呢方面，我哋係比較突出，係比較強嘅」。