基斯坦奴朗拿度（C朗）第四次贏到權威雜誌《法國足球》主辦嘅金球獎，由於C朗要跟皇馬去日本踢世冠盃，所以早前已經影定相同錄定影，佢仲帶埋寶貝囝囝去㖭。至於6歲嘅Cristiano Ronaldo Jr.就cute到爆，喺C朗捧起金球獎之後同老竇擊掌慶祝，之後仲做埋包括曼聯球星保羅普巴在內都經常做嚟慶祝入波嘅dab舞動作，真係好鬼識搶鏡，呢方面佢都肯定係屬於「虎父無犬子」一族。
另外，C朗嘅贊助商Nike即推出白色金底嘅限量版波砵Mercurial Superfly CR7 ‘Vitorias’賺興，新鞋限量發售777對，絕對係堅珍貴！