Banker嘅後裔通常留喺財金界發展，但星展香港合併後首任CEO蘇禮文（Randolph Sullivan）嘅仔仔Lawrence，就因為熱愛魔術，揀咗一條唔同嘅路。
蘇禮文係銀行界大班，當年做過道亨銀行首席營運總裁，星展2001年收購道亨後，蘇禮文就成為星展香港嘅首任行政總裁。雖然爸爸咁犀利，但全職魔術師Lawrence就話，自己從來冇入過金融界，事關佢11歲起，就對魔術好有興趣，之後不斷自學同練習，最厲害就係玩啤牌魔術。
華華噚日喺友邦聖誕傳媒午宴見到Lawrence露兩手，表演真係好精彩，Lawrence之前仲喺美國前總統老布殊面前表演過，唔講得笑㗎，相信佢爸爸蘇禮文都感到好驕傲。