【本報訊】近年香港出現不少生活App，傳統行業的從業員正面臨轉變，甚至被淘汰。經營五金舖近廿年的梁師傅坦言，電子化是大趨勢，但深信自己不會被取代，「大家各有客路啫，唔係話搶就搶得到嘅！」
「有間舖較優勝」
年近六十多歲的他，紮根青衣區多年，街坊經常找他解決維修難題，梁笑言「有間舖會優勝啲，有乜嘢做得唔好，（街坊）都可以落嚟鬧我吖，用手機（搵師傅）就唔得喇！」雖然用App搵客可以擴充客源，但梁師傅認為「做多不如做熟」，「有時都望天打卦（無生意）㗎，不過都夠維生嘅。」
曾透過手機App搵客的冷氣維修公司負責人劉小姐，最後亦轉用社交網站接單，「要聯絡咗佢（App），先可以聯絡個客，等得嚟可能已經搵咗第二個幫手。」其公司每月平均接逾40單生意，「喺facebook每日畀10蚊賣廣告，接觸率可以由幾十增加到4,000幾個，命中率（客戶）會高啲。」從行業傳承角度出發，劉小姐指現今網絡發達，確實更易接觸到一班年輕顧客，不過「大家都磨合緊，一班老師傅經驗豐富，老人家鍾意搵佢哋，無話咩淘汰競爭嘅！」