中保監公佈暫停恒大人壽委託股票投資業務，同埋中央限制債券回購措施，加上特朗普警告放棄一中政策，但港股昨早仍然能夠跟外圍高開99點，但之後鬥快派貨，若非油股受產油國減產消息支持，恒指跌幅更大，可能會有400點。
大家最關注的是，咁多壞消息之下，係咪會令到大陸又再出現流動性問題，重演年初嗰種單邊跌市，以周一滬指起步跌2%、深成指跌4%計，跌幅唔算好恐慌。要睇係真跌市、定純粹震倉，就要觀察未來兩日企唔企得穩，總之不能再大跌啦，未來兩日都唔再跌，就證明所謂壞消息已被消化，冇再大跌風險。
如果未來兩日港股企得穩，相信周一跌過龍嘅股份就會極速反彈，機會可能落喺單日跌超過7%、但成交得嗰200萬蚊嘅I.T（999）身上，佢嘅基本因素未因為大陸政策同特朗普而受到重大負面影響，本來係遠離風眼，周一純粹乾跌，未有耐先到業績black out period之下，只要係咁倚回購股份，就可以止跌。假如市況回穩，相信I.T只會短暫停留喺3蚊邊呢個密集支持區，如果手持中資股處於風眼、覺得唔穩陣，可考慮換馬去I.T呢類大跌市跌凸咗嘅股份。
晉佳
http://fb.com/advanceguy1