禮拜三（14日）谷草賽事就用C跑道，睇番最近11月16日同一移欄賽事，全晚只得三班1200米「翡翠紅星」能夠放頭帶到，反而中外叠後追馬表現不俗，如「翩翩」、「威風霸皇」、「勝利雄心」、「勁豐裕」及「瑰麗傳奇」都係轉入直路後，移出外叠後上衝贏對手，故此靠後勁食糊馬千祈唔好睇小。
今戰列陣馬中，第四場四班1200米的「光速銀桂」兩次跑谷C欄獲得一勝一位，亦係全場唯一贏過此移欄之參戰馬，憑較佳場地性能，此匹方嘉柏馬可坐位望贏。
另外，列陣第七場三班1650米的文家良旗下的「小島怡情」，上仗正是於11月16日谷C欄贏馬開齋，等番同一移欄再跑，再配上客串騎師韋紀力應有心求添食。