【本報訊】民主派今屆強勢出擊，成效顯著，不少過往難以攻陷的專業界別都有意外收穫，例如上屆民主派只佔兩席的工程界，民主派「進步工程」20人名單中，多達15人勝出，其中女將麥雪晶一擊即中，首戰下成功搶灘，得票排第八，是民主派名單中除老將黎廣德外最高得票，成為界別票后，她會見傳媒時激動「爆喊」，強調工程師的目標包括建設香港，會代表港人選出新特首。
盼新特首以港發展為先
33歲的麥雪晶在私人機構任職工程師，參選時表明反對梁振英連任，期望新特首以香港發展為先，「唔係一味聽中央意見或主動迎合」，並指新特首必須海納百川，避免香港分化。她於選舉日四出拉票，選前亦與團隊成員拍攝宣傳短片，呼籲年輕工程師積極投票，結果民主派在工程界有突破，麥昨會見傳媒時說罷「好感動」後，即時哭成淚人。
她帶淚稱，「我哋係第一次出嚟參選，一開始係冇諗過面對一啲壓力，但係去到最後，睇到個選舉結果，工程師係支持我哋嘅理念，唔單止代表工程師，我哋係代表香港每一個人去選我哋嘅特首」；她強調團隊不贊成小圈子選舉，但參加選委會是唯一可以表達意見渠道，「我哋唔可以因為小圈子而放棄我哋嘅話語權」。
■記者許偉賢