成日聽見銀行、證券行話有假網站，豐盛金融資產管理董事黃國英亦中招！
黃國英噚日晨早打電話來呻，話近日發現一個簡體字版嘅豐盛投資網站，入面寫住呢間公司係豐盛金融集團子公司，由黃國英主理云云。
佢即刻搵人根據上面嘅聯絡方法，打電話去了解，對方最初講得頭頭是道，最後講到話想約見黃國英本人，對方就即刻收線。
睇番疑似假網站，中文名係豐盛，但英文名係Feng Sheng，黃國英嘅真．豐盛，英文名係AmCap。最好笑係，黃國英嘅寫字樓喺華懋廣場，疑似假網站抄埋地址，不過真嗰間喺A室，另一間寫住F室，而嗰度係冇F室。