【本報訊】半夜遇着無帶鎖匙，要搵開鎖佬幫忙也不是易事。「師傅到」創辦人楊駿釗亦曾經歷類似窘境，「有次凌晨門鎖壞咗，困咗喺房，夜麻麻又無相熟師傅，結果要阿爸爆鎖先搞得掂！」就在等父親「救命」的時候，他靈機一閃，萌生開發一個手機程式的念頭，協助同樣遭遇的人解決難題。
經營「師傅到」一年多，楊駿釗雖然接觸過不少維修知識，但至今仍未學識做開鎖佬，他笑說：「前排又困咗喺房，諗住自己搞得掂，但最後都係靠太太搵鎖匙。」正當晚上大部份店舖已關門，就是最多人用「師傅到」之時，「多數係啲後生打工仔，放工至夜晚好多人搵師傅，好似沙田、將軍澳區咁，年輕上車客好多。」
市場上有人質疑，師傅透過手機程式接單後，有可能撬走平台的潛在顧客，但楊駿釗明言不擔心此情況，「好多同業都討論過，但香港人就係有惰性，我服務做得好，個客會覺得，無咗你，我都好難搵到個好師傅喇！」對註冊師傅來說，他認為是一個擴充客源的機會，「以前可能做開某一區，𠵱家就可以有多啲生意，同埋唔同嘅客路。」