大前日《蘋果》獲甘比親證已經跟劉鑾雄（大劉）結簽紙成為合法夫妻，正式坐正做劉太。當日她帶一對仔女去完二手衫活動後，前日早上和母親和一對仔女又再出動，四人坐住「ILOVEU2」車牌七人車於大宅出發到銅鑼灣時代廣場行街。
婚後的甘比心情靚靚，戴住太陽眼鏡仍難掩新婚幸福，今次她穿上Saint Laurent吸血鬼tee襯牛仔褲，腳踏Rag & Bone的白色短靴，平日手袋天天新款的甘比，前日繼續孭了大前日都用的Hermès GR24皮革背囊，未知是否太忙無遐換袋呢？
更多時尚、美容新聞，即上： http://add.appledaily.com