恭喜！西雅圖海灣者（圖）喺上周六美職聯總決賽，同主場嘅FC多倫多打足120分鐘都互無紀錄，最後互射12碼贏5:4捧盃。多倫多贏唔到其實好唔抵，佢哋全場19次射門七次中框，反而海灣者就成為歷來首支喺總決賽射門零中框嘅球隊。難怪多倫多隊長米高巴特利賽後話：「呢個對我哋嚟講係一個好殘酷嘅戰果，不過，足球比賽有時就係咁樣㗎啦。」