中環在線：
Bombana推矜貴白松露青邊鮑 - 李華華

話咁快就到聖誕節，當然要講聖誕大餐，米芝蓮三星名廚Bombana最拿手炮製白松露菜色，佢旗下8 1/2 Otto e Mezzo - Bombana最近推出一道慢煮鮑魚配意大利馬鈴薯粉糰加阿爾巴白松露（920元）。
白松露這回事，特別在廚師喺客人面前，用一個銀刨子刨松露，廚師一路刨，就有一陣難以形容嘅香氣四溢。每年11月至1月就係食白松露嘅旺季。
而呢道菜新穎嘅地方，係Bombana用上澳洲青邊鮑，以63度慢煮18小時，然後切薄片上碟，咬落相當柔軟，完全唔似平時啖啖食鮑魚嗰種口感。