前皇馬球星「萬人迷」碧咸，原來係巴塞迷？近日有位馬耳他球迷上載咗張合照，係佢喺92年嗰陣同幾個曼聯小將影嘅。有番咁上下資歷嘅魔迷，相信一眼就認得出碧咸同加利佬。不過，大家最關注嘅係，碧咸竟然着住巴塞波衫，唔通佢𡃁仔嗰陣係撐巴塞？其實唔奇嘅，喺90年代初，告魯夫帶領巴塞大踢悅目足球，仲拎咗歐聯冠軍，吸引到碧咸都好正常。