【商界（一）】
【本報訊】商界（一）今屆選委會有19名候選人爭18個席位，參選人之一包括上屆界內票王自由黨榮譽主席田北俊，田近日與同屬自由黨的陳浩濂「孖咇」拉票，一直表明ABC的他稱，若最終只有建制派候選人參選、且民意支持度相近，會繼續支持財政司司長曾俊華。
料泛民選情受影響
田昨午駕車到山頂票站投票；由於梁振英宣佈不連任後，田指無論自己高票當選或低票當選亦已不重要，個人評估梁不連任的消息，會令泛民選情受影響，衝擊300席的目標未必達到。田昨直指梁放棄爭取連任、到林鄭月娥重新考慮去馬，事態發展出乎意料：「好高興聽到CY為咗香港又好、為咗屋企又好，決定唔參選；林鄭原本話唔做要退休，忽然話要考慮，我係諗唔到。」被問到梁不連任是否中央決定，他指「我自己嘅感覺一定係」，指梁多年來都是「做大事嘅人」，「以往咁多年都冇為屋企而辭職，最重要理由都係中央計過數」。
田北俊曾表明支持曾俊華選特首，他昨指若各參選人民望旗鼓相當，會續撐曾，否則再按民意決定；田認為林鄭考慮參選對曾俊華影響大，質疑「係咪兩位司長都全部辭職先？只剩番梁振英作為弱勢啲嘅特首，加代理司長做埋剩番嗰半年？」
■記者許偉賢