葉蘊儀（Gloria）、古巨基、楊洛婷及太子珠寶鐘錶主席鄧鉅明夫婦等，昨日到沙田馬場出席「浪琴表香港國際賽事」活動，醉心藝術的Gloria為大會設計帽飾。向來關心政治的Gloria，對於特首梁振英日前宣佈不競逐連任下屆特首選舉，她坦言感到意外，但認為每個人也會為此感到高興。
「令香港更齊心」
Gloria說：「首先係surprise嘅，冇諗過佢話唔會連任，我諗個個都會好開心，可以畀機會其他人，令香港更加齊心，唔好咁多分化。」梁特宣佈棄選後，有不少政界人士指特首選戰將有很多變數，Gloria認為現時很多被指有意參選的人仍未表態：「言之尚早啦！但都會留意住，最慘我哋都冇得選，如果有（投票權）香港人應該最期待。」
鄧鉅明及太太同樣被問到梁振英不參選下屆特首，他說：「我諗好多人都覺得可惜，但係正面嘅，希望未來特首喺經濟方面有周詳啲嘅方向，特別遊客方面啦，我哋做遊客生意。」
基仔努力造人
另外，擔任表演嘉賓的古巨基自言是運財童子，透露聖誕及新年分別於紐約及上海工作，問到他的造人大計？基仔坦言努力中：「我去邊老婆都跟住，佢梗係有點我燈啦，大大力㖭呀！生仔、生女都好，順其自然啦！唔想話係目標，唔想太大壓力。」他又笑謂：「Made in邊度都冇所謂，最緊要make咗就得啦！」
採訪：盧妹
攝影：陳俊強