所謂「長路有盡時」，今季升班後表現超勁嘅RB萊比錫（藍衫），喺上周六德甲終於被破不敗身，作客以0:1輸咗俾弱旅恩高斯達特，搞到上盤客血本無歸之餘，仲一地眼鏡碎。由於同日衞冕嘅勁旅拜仁慕尼黑主場5:0大炒到訪嘅禾夫斯堡，喺來回六分嘅情況下，雖然萊比錫同拜仁喺聯賽榜同得33分，但拜仁就以較佳得失球差，攞番個德甲榜首位喇！