一，最七好男人（過去三年一直欠七，今鋪賺番晒），非梁特莫屬。為了照顧家庭，超宅！感動到呢，林鄭和葉劉，鬥快爭住為他哽咽。
二，最佳演技，又係梁特。連小學雞都唔信的「家庭因素」，梁特講到七情上面。世紀最佳影帝，贏埋溫家寶baby。
三，最暗戰。市民竟然唔敢請小鳳姐慶祝，就係怕又試重演「你呃人」！明年忽然回馬槍說：中央叫我U-turn，選與唔選，有好大空間吖嘛。我說我不會連任，但我無講過我絕對唔會選！
四，最瘀的助選道具，是一支筆和那張招牌摺凳。唔使問風水佬，筆和摺凳，世代相剋！
五，最樣衰口臭的特辦發言人，市民心裏有數，呵呵，一個字：現眼報！
六，最恐怖的plan B，是取代CY狼的RI虎！阿爺下令動物園開閘，肯定唔係放映「智取威虎山」啊！