以前成日叫人投資ETF嘅金融界靚仔葉浩文（Kirk Yip），其實最鍾意叫人跑步，佢跳槽復星（656）後熱忱不減，剛過去星期六同幾位股評人好友，一齊參加新創建（659）主辦嘅「新創建勇跑地貌王」，沿西貢萬宜水庫跑10公里賽事。
呢項賽事係第二年舉行，分3公里、10公里同半馬賽事，Kirk就第一年同埋連敬涵、蘇沛豐等股評人參賽，佢哋跑10公里，全部1粒鐘內完成，去到終點見到新創建執董許漢忠，少不免要影張相，證明到此一跑喇。
唔講唔知，新創建自2008年開始同香港地貌岩石保育協會合作舉行活動推廣保育，舊年再聯同全城街馬，舉辦勇跑地貌王，鼓勵跑友一路跑一路欣賞西貢地貌景色，Kirk都話風景靚，不過佢專心跑步，冇影相囉。