喺特首選戰蠢蠢欲動、但至今未表態嘅立法會前主席曾鈺成，同細佬、前民政事務局局長曾德成一樣係聖保羅書院校友。母校165周年紀念，呢對政界兄弟檔又點會唔支持？佢哋噚晚一齊出席舊生晚宴，晚宴主題係「保羅萬有」，食字之餘兼寓意平等精神及學生多元化。
曾鈺成噚晚孖住太太一齊出現，唔知係咪因為CY棄選，令八方覺得佢特別風騷？久未公開露面嘅曾德成亦精神奕奕，俾CY炒魷嘅佢，唔知點睇中央DQ CY？
民主黨李永達同新任自由黨副主席、資深大律師胡漢清兩位唔同陣營嘅校友亦執到正到場，學生真係多元化，果然「保羅萬有」呀。