體壇短打：
巴塞大勝賀美斯傾新約

上周六西甲早場有巴塞隆拿登場，作客奧沙辛拿大炒3:0。賽前有好消息係教練安歷基證實同緊啱啱又入兩粒嘅美斯（右四）傾續新約，希望仲有年半就約滿嘅美斯肯動筆續約踢到收山。不過另一青訓產品恩尼斯達會唔會留到退休就未知，日前傳出有幾間中超球會都對「小白」有興趣，佢喺巴塞𠵱家已經唔可以踢足，或者會考慮吓喺生涯尾段撈番幾桶金啦。