騎士上季成為NBA總冠軍，眾球星當然勁happy，冠軍指環在手，個人都寧捨唔同啲兼有自信。正所謂開心嘢唔好畀佢停，騎士眾將決定嚟一次突破，齊齊跳舞拍MV，隻歌就係80年代紅極一事嘅Rick Astley冠軍單曲「Never Gonna Give You Up」，真係夠晒懷舊，而見到成班騎士球星80年代打扮，又幾盞鬼喎！之不過佢哋都唔會剩係掛位玩嘅，騎士靈魂勒邦占士喺香港時間周六常規賽主場對熱火，以114:84嘅勝仗入面，攻入27分、8籃板、8助攻，生涯累積27,314分，超越咗艾雲希耶斯（Elvin Hayes），成為聯盟歷來總得分第9位！