八方由10月開始同大家回帶睇番5年前梁振英參選嘅點滴，無非係相信可以以史為鑑；既然CY噚日宣佈唔選，咁今日呢次回帶亦係CY Time Lies嘅大結局，總算功成身退。
5年前今日正好係特首選委會選舉前夕，勢頭越來越好嘅CY，突然殺入佢多年來極少去嘅工展會，而當時主辦工展會嘅廠商會被視為唐唐嘅票倉，CY咁做擺明係為咗拉票喇！
除咗深入敵陣，CY仲搶閘祝賀一啲已經自動當選嘅選委，以及向某啲選委候選人發信預祝對方成功，信中更寫道「齊心一意撐香港，祝閣下競選成功」，而佢嘅競選網頁亦開始募捐。
邊個估得到，5年前嘅CY喺特首選舉中越戰越勇，到咗5年後嘅今日，佢成為香港史上第一個只係做咗一屆特首嘅人，所以話呢：「凡事太盡，緣份勢必早盡！」